GUAYAQUIL, ECUADOR, AFP.- Un suseso nobo di violensia den un prizòn di Ecuador a kousa por lo ménos 18 prezu morto i 11 herido, inkluyendo un polis, segun informashon di Ofisina di Fiskal, despues di kuater dia di klèshnan den prizòn di Guayaquil (sùitwèst).
“Te ainda por konfirmá ku 18 prezu a pèrdè nan bida, despues di e klèshnan registrá for di djasabra den Prizòn di Litoral, na Guayaquil. Ademas, 11 persona (inkluyendo un polis) a resultá heridá”, asina fiskal a bisa riba su kuenta di Twitter, ku awor yama “X”.
E organisashon ku ta manehá e prizòn, SNAI, a reportá “tres herido leve” djasabra pa un insidente den e mesun prizòn, tambe konosí komo Guayas 1.
Pa djadumingu, e entidat a konfirmá un konfrontashon entre gangnan kriminal vinkulá ku narkotráfiko i a informá di seis morto i 11 herido.
Sentenáres di famia tabata presente dilanti di e prizòn djamars protestando pa mas informashon.
For di febrüari 2021, e prizònnan di Ecuador ta senario di matansa ku te ainda a kousa mas ku 420 prezu morto i un kantidat di kadaver dekapitá òf kimá.