VIRGINIA BEACH, VIRGINIA, MERKA, AP.- Un veterano a tira 11 persona mata den un edifisio promé ku polis a mat’é, segun informashon di outoridat.
Seis persona mas a resultá heridá den e tiroteo, entre nan un polis kende su chaleko antibala a sabla su bida, segun e hefe di polis di Virginia Beach, James Cervera.
E atakante a tira den edifisio 2 di e kompleho munisipal. E edifisio ta inkluí e departamentonan di obra públiko, servisionan públiko i planiashon, segun e konsehal Barbara Henley, kende a yega e edifisio alrededor di 4 or di atardi, algu despues di e tiroteo.
Megan Banton, un asistente atministrativo ku ta trata den e edifisio kaminda e atake a tuma lugá a bisa ku el a skucha e tirunan, el a yama number di emergensia 911 i a tranka un porta.
Cervera a identifiká e atakante komo un empleado rabiá di Departamento di Servisio Públiko. Su nòmber no a wòrdu revelá.
