MOGADISCIO, SOMALIA, AP.- Ekstremistanan a ataká un sentro di polis den e kapital di Somalia, Mogadiscio, matando por lo ménos sinku persona promé ku forsanan di seguridat a para e asalto aki. Asina polis a indiká.
Kuater atakante, entre nan dos suisidio, a pèrdè nan bida den e insidente atribuí na supuesto insurgentenan di e grupo ekstremista islámiko Al Shabab. Asina e kapitan Mohamed Hussein a indiká.
Asalto kontra Departamento di Investigashon Kriminal na Mogadiscio a kuminsá ku un eksploshon di dos outo den porta di e instalashonnan. Despues, por lo ménos dos pistolero na pia a kuminsá tira paden di e sentro, segun Hussein a splika.
Forsanan di seguridat a frustra e asalto i a mata e pistoleronan ku a purba drenta den e instalashon di e seguridat, segun Ali Hassan, un agente di polis di e Departamento Sentral di Investigashon.
Un forsa multinashonal di union afrikano tin mas di 22.000 efektivo den Somalia.
Al Shabab ta kontra di e presensia di sòldatnan estranhero den e pais.
Ounke e milisia radikal a keda ekspulsá di Mogadiscio i di mayoria siudat somalí den 2011, esaki tin un kampaña letal di gueria.
