SAO PAULO, AP.- E atake kontra e karavana di e kampaña di e eks mandatario Luis Inacio Lula Da Silva por krea instabilidat, segun presidente brasilero Michel Temer.
Dos bùs di karavana di Lula a wòrdu impaktá ku bala djamars durante un gira den sùit di Brasil, segun informashon di e Partido di Trahadó.
Ningun persona a resultá heridá i Lula no tabata na bordo di ningun di e dos bùsnan aki.
Polis tabata investigando e insidente aki, kual a pasa na un momentu di divishon intenso den Brasil, despues di vários aña di agitashon polítiko kaminda un presidente a wòrdu desitiuí i desena di polítiko, inkluyendo Lula i e presidente aktual, Temer, a wòrdu impliká den un skandal masivo di korupshon. E pais a wòrdu asotá pa un gran kantidat di protesta.
E divishonnan ta empeorá e situashon na momentu ku Brasil kier skohe un presidente nobo den òktober. Apesar ku e no por postulá pa presidensia despues di a wòrdu hañá kulpabel pa kargonan di korupshon, Lula ta enkabesá e kontienda elektoral. Pero den e klima aktual polarisá di Brasil, e no ta un personahe skohé entre vários manera e tabata ántes. Esaki ta konforme manifestashonnan ku a stroba su gira den sur Brasil den último dianan.
