BOGOTA, AP.- E gobiernu a ninga djaluna e pedidio indjan pa e eks magistrado spañó Baltasar Garzon ta mediadó den un konflikto ku outoridatnan ku un komunidat ku ta eksigí e retiro di forsa públiko i di gueria di nan teritorionan.
“Nos ta respetá Garzon pero e mediashon ei no ta eksistí”, asina e minister di Defensa, Juan Carlos Pinzon a bisa den un rueda di prensa.
E indjannan di e region di Cauva, entre na e lider James Yatacue, presidente di e Asosiashon Indjan na Nort di Cauva, a señalá Garzon komo posibel mediadó den e konflikto. Asta nan lo mester a warda riba esaki su bishita djadumingu den munisipio di Miranda.
Fiskal General di e Nashon tin Garzon komo “konsultor” pa temanan di derechonan humano, pa esei e eks hues ta bai ku frekuensia na e pais. Aktualmente e ta na Colombia, pero e no a hasi ningun deklarashon pa ku loke e indjannan a trese dilanti.
Ademas, e eks magistrado ta asesor for di na 2011 di e Mishon di Apoyo di Proseso di Pas den e Organisashon di Merka na Colombia, (OEA), ku ta funshoná for di na 2004 den e pais.
