MANILA, FILIPINA, AP.- Mas di 6 mion persona na Filipina a wòrdu afektá pa skarsedat di awa den sektornan grandi di e kapital.
Un bosero di Manila Water Co. Inc, Jeric Sevill, a bisa ku e suministro lo wòrdu interumpí durante vários ora diario pa 6,8 mion persona den mas di un mion kas te ora áwaseru yena e reservoirnan den mei òf yüni.
E empresa, un di e proveedornan outorisá pa gobièrnu na Manila i Rizal, a bisa ku e kousa ta debí na demanda haltu pa awa i tambe nivel abou di awa den e reservoir debí na e fenómeno El Niño.
Manila Water, kual ta proveé awa den e kapital, a purba i lidia ku e skarsedat dor di redusí preshon di awa, pero esaki no a resultá dor ku algun komunidat a keha ku nan no a haña awa durante vários ora. E kompania a disidí pa programá interupshonnan di servisio desde djaweps na Sevilla. un aviso di e kompania a bisa ku e residentenan den mas di diesdos siudat i pueblo lo pèrdè suministro di awa durante entre seis i 21 ora diario den verano i a pidi komprenshon di públiko.
Mayoria negoshi ku ta dependé di awa pa funshoná, manera ‘carwash’ i ‘dry cleaning’ a sera temporalmente.
