MOSCOW, AP.- E kansier aleman Angela Merkel i e presidente ruso Vladimir Putin a reuní djasabra na Moscow pa papia tokante e tenshon kresiente den Medio Oriente i vários tema mas.
E bosero di e lider aleman Steffen Seibert ta konsiderá ku Rusia ta “indispensabel pa purba resolvé e konfliktonan polítiko” debí na su status komo miembro permanente di Konseho di Seguridat di Nashon Uní.
Alemania i Rusia ta entre e potensianan mundial ku a purba reskatá e akuerdo nuklear di 2015 ku Iran, despues ku Merka a bandoná e pakto na aña 2018.
E posibilidat pa mantené e pakto a disminuí despues ku Iran a rekonosé ku a kousa kaida di un avion di pasahero matando 176 persona na bordo.
Despues di a reuní ku Putin, Merkel a bisa ku “ta bon pa nos sa ken ta esnan responsabel pa e kaida i mester hasi tur kos posibel pa haña un solushon ku e paisnan ku a wòrdu afektá”.
E lidernan di Rusia i Alemania a papia tokante e konflikto na Libia tambe. Putin a bisa ku e ta sostené e proposishon di Alemania pa organisá un kumbre pa resolvé e krísis na Libia.
