MOSCOW, AP.- E presidente ruso, Vladimir Putin a aselerá e proseso di kambio konstitushonal djaweps, kual por lag’é keda na poder pa un término mas largu, despues ku su mandato kaba na aña 2024.
Putin a presentá su proposishon komo un forma pa fortalesé Parlamento i reforsá demokrasia. E krítikonan di Kremlin a deskribí e kambionan proponé komo un intento di Putin pa sigurá un gobièrnu vitalisio.
E lider ruso a proponé un serie di enmienda radikal den konstitushon di e pais, durante di un diskurso djárason. E promé minister Dmitry Medvedev a tuma retiro, despues ku el a okupá e posishon durante ocho aña i a nombra e hefe di impuesto Mikhail Mishustin pa remplas’é.
E reorganisashon aki ta un preokupashon pa algun polítiko Ruso, kual tabata deskonsertá i preokupá pa Putin su intenshonnan.
E reformanan konstitushonal, anunsiá den un informe na e nashon, ta indiká ku e ta trahando pa e sigurá un posishon nobo den gobièrnu despues ku su mandato terminá.
