TEHRAN, IRAN, AFP.- Iran su presidente a tèst positivo pa COVID-19, segun indikashon di medio estatal djaweps, kombirtiendo den e último ofisial ku ta haña e malesa ku a afektá e pais.
Ali Larijani “a wòrdu di tèst despues di a mustra algun síntoma i e resultado tabata positivo”, aktualmente e ta den karentena i ta hañando tratamentu, segun e rapòrt a agregá. Iran a anunsiá ku 124 persona mas a muri dor di e coronavírus oumentando e total na 3.160 ku mas di 50.000 persona infektá.
E presidente Hassan Rouhani a atvertí durante reunion di gabinete ku kisas e pais lo bataya e pandemia aki durante un aña kompleto mas. Despues di a ninga redondamente di introdusí un lockdown òf medidanan di karentena, Tehran a disidí di prohibí tur trafikashon te ku 8 di aprel.
No tin un lockdown ofisial na Iran, pero gobièrnu a pidi e pueblo pa keda paden pa kontené propagashon di e vírus. Iran a sera tur skol i universidat, inkluyendo kuater sitio sagrado, inkluyendo Fatima Masumeh shrine na Qom, e episentro di Iran su vírus.
