WASHINGTON, MERKA, AFP.- Presidente Donald Trump a anunsiá djárason ku lo reforsá siudatnan Chicago, Kansas City i Albuquerque ku trupanan federal. E anunsio a wòrdu kritiká pa funshonarionan di gobièrnu i tambe di e siudatnan.
Durante e akto, e fiskal general Will Barr a bisa ku lo desplegá 200 agente na Chicago, 30 na Albuquerque i ku ya tin 200 na Kansas City.
Barr a afirmá ku nan lo traha huntu ku polis i ku no mester konfundí e despliegue aki ku efektivonan na Portland, kaminda e gobièrnu ta purbando di kontrolá e manifestashonnan kontra rasismo despues di morto di e merikano koló skur, George Floyd.
E sekretario interino di Interior, Chad Wolf, a indiká ku mester distinguí entre agentenan antidisturbio i e despliegue na Chicago “kaminda e intenshon ta pa protehá e públiko kontra krímen violento riba kaya”.
