OKLAHOMA CITY, AP.- Tres estado na Merka a rechasá petishon di Rusia pa manda representante na sentronan di votashon pa opservá e elekshonnan dia 8 di novèmber benidero. Oklahoma, Louisiana i Texas a ninga e petishon aki. E sekretario di estado di Oklahoma a bisa ku el a risibí un karta den ougùstùs di konsulado general di Rusia na Houston pidiendo ku lo permitié manda un delegado na un sentro di votashon pa studia “e eksperensia merikano na organisá un proseso elektoral”.
Oklahoma a rechasá e petishon, destakando ku e lei di estado ta prohibí tur persona ku no ta votante o funshonario elektoral den sentro di votashon.
E korant Tulsa World a reportá ku Louisiana i Texas a ninga petishonnan similar di outoridatnan ruso.
E kandidato republikano Donald Trump a keda kritiká dor di e denunsia ku el a hasi, sin prueba algun, ku ta inventá un froude elektoral, i pa su komentarionan p r eokupant e kont r a presidente ruso Vladimir Putin.
