WASHINGTON, AP.- Nan tabata rival, aliado i kolega.
Djamars, na momentu ku nan subi riba podio den e promé aparishon di kampaña, presidente Barack Obama i Hillary Clinton ta mustra un fase nobo den nan relashon. Nan ta ko-dependiente.
E posibilidat di Clinton pa gana Kas Blanku ta dependé di logra apoyo di koalishon di e presidente. E legasia di Obama ta dependé di e éksito di Clinton. Ocho aña despues ku nan a gasta miónes kontra otro pa gana Kas Blanku, ámbos ta invertí palabra pa otro i kuater luna e promoshon dilanti públiko.
E historia di e manera kon e rivalnan a bira amigu lo ta den sentro di e presentashon Obama- Clinton na Charlotte, North Carolina, segun asistentenan di ámbos banda. Den su mensahe, Obama lo fungi komo testigu di e personalidat di su eks sekretaria di Estado, ku ta luchando pa konvensé votadónan di su konfiansa i honestidat. No tin un mihó polítiko pa testifiká na su fabor, segun mayoria demókrata. Obama a kombertí den un di su promotornan mas fuerte.
“mi ta kere e por ta útil, partikularmente ku e votadónan demókrata i algun independiente ku tin duda”, segun David Axelrod, un persona prinsipal di e kontienda di Obama na aña 2008 pa gana nominashon demókrata kontra Clinton. “E por hasi esei kompartiendo su propio eksperensia. Nan tabata rival, nan tabatin nan diferensianan; i esei ta duna nan mas peso”.
