BAGDAD, AP.- E kantidat di morto pa e atentado ku bòm den un zona komersial na Bagdad fin di siman a subi na 157 djaluna.
E promé minister irakí a ordená medidanan nobo di seguridat.
Entre e medidanan di gobièrnu a ordená pa bandoná e uso di ekiponan ku ta detektá eksplosivo pero ku segun ekspertonan merikano ta inútil. Sinembargo, forsanan di seguridat ainda tabata usa aparatonan aki djaluna anochi, despues di un serie di atentado ku bòm mas chikitu den e kapital ku a mata 16 persona i heridá vários mas.
E atake suisidio di djadumingu, ku Estado Islámiko a tuma responsabilidat di dje, tabata e atentado mas mortal ku e afektá Bagdad den mas di un dékada di guera i insurgensia.
Djaluna, sinku persona kondená pa terorismo a wòrdu ehekutá na Bagdad, segun informashon di Ministerio di Hustisia den un anunsio ku tabata dirigí pa restourá fe den forsanan di seguridat nashonal den e atake di fin di siman.
