MIAMI, MERKA, AFP.- Tres haitiano merikano i un kolombiano a keda ekstraditá pa Merka djamars pa nan ròl den e asesinato di presidente haitiano Jovenel Moise den yüli 2021, segun indikashon di outoridatnan di Merka.
E kuater hòmbernan ku tabata detené na Haiti lo paresé dilanti di un hues federal na Miami, ku lo dikta e kargonan kontra nan, segun un komunikado di e Departamento di Hustisia.
Vários luna pasa tres hòmber a keda transportá pa Merka pa e asesinato aki.
Jovenel Moise, di 53 aña a keda asesiná pa un komando arma den yüli na aña 2021, den su kas privá na Port-au-Prince, sin ku su bodyguardnan a intervení.
Su morto a empeorá e káos den e pais den Karibe.
Polis haitiano a arestá kuarenta sospechoso rápidamente, inkluyendo binti èks sòldat kolombiano, reklutá pa un empresa di seguridat ku sede na Florida, CTU.
Hustisia merikano kompetente pa huzga e konspirashonnan planiá riba su teritorio, ta enkargando di e kaso. Tres sospechoso ta enfrentá bida largu i Christian Sanon 20 aña den prizòn.