HIGHL ANDS, NEW YORK, MERKA, AP.- Un hòmber a mantené un veterano di marina di 81 aña komo rehen den un motèl durante kuater aña. E intenshon pa esaki tabata pa hòrta su prestashonnan sosial segun informashon di outoridat.
Perry Cooniglio, di 43 aña, a keda detené djamars den su kamber den un motèl na Highlands. E motèl ta banda di warda di polis di Hudson Valley.
Polis ta bisa ku Coniglio a usa intimidashon i violensia pa obligá su víktima, un hòmber ansiano i debil, pa koperá kuné. E hòmber tabata haña tres cheque pa luna. Outoridatnan no a revelá e montante.
E víktima a wòrdu transportá pa hospital pa asina e wòrdu evaluá.
Coniglio ta detené den prisòn ku un fiansa di 15.000 dòler.
