QUITO, ECUADOR, AFP.- Un miembro di Marina di Chile, kual tabata sekuestrá na Ecuador desde djamars i kende su sekuestradónan a amputá dos dede di man, a keda reskatá na bida djadumingu, segun indikashon di outoridatnan.
Olis ekuatoriano a reskatá e siudadano chileno. E sekuestradornan tabata pidi 100.000 dòler pa su liberashon segun indikashon di e ministerio di Interior riba Twitter.
E chileno, Luis Toledo di 31 aña a keda sekuestrá na e siudat na kosta di Daula despues ku el a sali for di un kas kaminda e tabata biba ku su pareha ekuatoriano segun indikashon di polis.
Toledo “a sali for di su kas” i a “pèrdè kontakto direkto ku su kasá”, kende a haña òrdu pa paga 100.000 dòler pa su liberashon, segun indikashon di e hefe polisial lokal Fabari Montalvo na prensa.
A reskatá e chileno den un operashon den lokalidat di Duran, den provinsia di Guayas, kaminda e sekuestro a tuma lugá segun fiskal.
Guayaquil ta e siudat di mas violento di Ecuador, kaminda kriminalidat a subi mes pareu ku narkotráfiko, tantu riba kaya komo den prizònnan.
Fiskal a bisa ku a detené dos persona involukrá den e sekuestro.
