MORGAN HILL, CALIFORNIA, AP.- Míles di persona mester a desalohá nan bibiendanan tras di un menasa di un kandela di mondi na e montaña Santa Cruz na California.
48 kilometer na sur di San José, e kandela a destruí un bibienda i a laga 4 kilometer kuadrá di tereno seku kimá, asina departamento forestal di California a informá.
Míles di bibienda a wòrdu evakuá na momentu ku e kandela feros a kuminsá djaluna tras di un kalor intenso. Tambe residentenan a keda obligá pa bandoná e zona pa medida ku e vlamnan lo ekstendé durante anochi. Outoridatnan no a duna di konosé eksaktamente kuantu bibienda a wòrdu afektá.
Unidatnan di brantwer a presta un dia mas na sufri e temperaturanan haltu. Ademas e insidente tabata menasá torennan di transmishon di televishon i radio. Entre tantu na nort di e kondado di Sonoma brantwernan a logra kontrolá un kandela di 5 kilometer kuadrá ku tabata menasá bibiendanan i un planta di elektrisidat lokal.
Orden di evakuashon i siere di kamindanan a stòp djaluna atardi despues ku bomberonan a logra kontrolá e kandela na un 45 % , asina Scot McLain bosero di brantwer a informá. ‘E situashon ta mehorando pero ainda nos tin ku sigurá ku por paga e kandela den e zona”, McLain a agregá.
A pronostiká ku djamars e ola di kalor ku ta sofokando vários komunidat lo baha, inkluso kosta ku usual mente ta benefisiá di bientu fresku ku ta bini di oséano Pasífiko.
