FLINT, MICHIGAN, MERKA, AP.- Aeropuerto di Flint, Michigan, a wòrdu evakuá djárason despues ku un testigu a bisa ku a mira un Polis sangrando na su garganta i un kuchú riba suela.
Polis estatal di Michigan a bisa atraves di Twitter ku e agente ta den kondishon kritiko i ku FBI ta investigando e asuntu.
Aeropuerto Internashonal Bishop a bisa riba Facebook ku e pasaheronan ta safe i ku nan a wòrdu pidi pa revisá tur buelo pa kanselashon.
Un fuente Polisial a bisa ku FBI ta konsiderando e hipótesis ku trata di un atake terorista. E fuente a pidi pa keda anónimo.
Un otro funshonario, kende tambe a pidi pa no wòrdu identifiká, a bisa ku ta investigando e vershonnan ku e agresor a grita “Ala Akbar” promé ku el a hasi su atake.
E teniente Mike Shaw di Polis estatal di Michigan a bisa ku tin un persona detené i ku aparentemente no tabatin ningun otro atakante.
Shaw a identifiká e Polis heridá komo teniente Jeff Neville, di Polis di aeropuerto. El a bisa ku Neville tabata grave pero awor e ta stabil.
