DEN HAAG, AFP.- E agensia oropeo di remedi EMA a bisa ayera ku e por kuminsá den dianan ku ta sigui pa evaluá un pastia produsí pa e laboratorio merikano Merck kontra COVID-19, habriendo asina e kaminda pa un eventual solisitut di outorisashon di Union Oropeo.
“Nos tin plania di lansa revishon kontinuá di e komposishon aki den dianan ku ta sigui” asina Marco Cavaleri responsabel di strategia di vakunashon di EMA a bisa.
Merck a bisa siman pasa ku segun un tèst klíniko, su medikamentu denominá molnipiravir a redusí na mitar e riesgonan di hospitalisashon i morto di pashèntnan afektá pa COVID-19 loke por ta un avanse grandi den e lucha kontra e pandemia.
EMA ku tin su sede na Amsterdam a konosé e promé resultadonan komuniká pa e empresa Merck riba e medikamentu nobo, asina Cavaleri a bisa durante di un konferensia di prensa.
E laboratorio aki a anunsiá djabièrnè ki e ta kere e por pidi Merka e outorisashon di komersialisá e pastia aki.
