WASHINGTON, MERKA, AFP.- Komishon Interamerikano di Derechi Humano (AICHR) a pidi pa gobièrnu di Nicolás Maduro i oposishon di Venezuela tene diálogo “serio” i a ofresé pa yuda ku e kombersashonnan ku a kuminsá na México.
“AICHR kier pa aktornan polítiko prinsipal di Venezuela tene un kombersashon serio, amplio i inklusivo pa rekonstruí demokrasia i garantisá derechonan humano den e pais”, segun un komunikado di e komishon.
AICHR a reiterá ku e pais suramerikano a pasando den un krísis demokrátiko ku un Estado di derechi ousente.
Esaki a “fasilitá insidentenan grave di violashon di derechi humano kontra opositornan di gobièrnu, deterioro di e kondishon di bida públiko i migrashon fòrsá di por lo ménos 5,6 mion persona desde 2015”.
Representantenan di gobièrnu di Maduro i Plataforma Unitario di Venezuela di oposishon a lansa negosiashonnan nobo entre 13 i 15 di ougùstùs den Siudat di México. E negosiashonnan ta pa pone fin na e krísis polítiko i ekonómiko agudo di e pais, segun un memorandum di entendimentu.
