BERLIN, ALEMANIA, AFP.- Alemania ta analisando ku Merka, Turkia i otro aliadonan e opshon pa mantené aeropuerto di Kabul habrí pa sigui ku e proseso di evakuashon despues di 31 di ougùstùs. Washington a establesé e fecha aki pa konkluí e retirada, segun indikashon di e hefe di diplomasia aleman.
“Nos ta teniendo kombersashonnan ku Merka, Turkia, i otro aliadonan pa e aeropuerto sigui realisá e operashon sivil pa saka tur hende”, segun indikashon di minister di eksterior aleman Heiko Maas na prensa.
Aeropuerto di Kabul ta e úniko punto di salida di Afganistan. Pero e tempu pa evakuá tur estranhero i afganonan urgentemente ta kabando.
Heiko Maas a bisa ku ainda e situashon ta peligroso i kada dia pasa kaótiko alrededor di aeropuerto. P’esei tur hende mester yega riba nan propio forsa.
Maas a sigurá ku ta negoshando ku “paisnan bisiña di Afganistan” manera Usbekistan, Pakistan, India i Tadjikistan pa afganonan ku Alemania por aseptá yega embahadanan aleman di e paisnan aki pa eksihí nan visa.
