TIRANA, AP.- Polis di Albania a destruí mas di 1,7 mion planta di kanabis e aña aki, segun informashon di forsa djaluna.
Altin Qato, un komandante polisial, a bisa ku esei tabata e tripel di plantanan destrosá aña pasá. Ademas a detené 150 persona. Qato a denunsiá ku e kultivadornan tabata skonde den zonanan ku hopi seru i isolá, den kasnan sin doño, “kual a hasi e tarea di polisnan mas difísil”.
Albania tabata un produktor importante di kanabis den Europa te ku tres aña pasá, na momentu ku gobièrnu a disidí pa kombatí e práktika.
Awor e operashonnan polisial kontra kultivo di mariwana a kosta míles di mion di euro na narkotrafikantenan.
