WASHINGTON, AP.- E sekretario di OEA, Luis Almagro, a pidi pa mas sanshon kontra funshonarionan di Venezuela. Ademas di esaki el a pidi sanshonnan kontra e aparato finansiero di presidente Nicolás Maduro.
“E kaminda diplomátiko ku ta e kaminda di sanshonnan i negosiashonnan serio pa redemokratisashon”, asina e uruguayo a indiká na reporteronan den e sede di e organisashon. “Mester tin sanshonnan kada biaha mas duru, ku ta permití e régimen venezolano pa strukturá un proseso elektoral klaro”.
The Asosocated Press a pidi un komentario di embahada venezolano, sin haña esaki inmediatamente.
Almagro a pronunsiá na fabor di oumentá e sanshonnan so solamente kontra funshonarionan di e gobièrnu venezolano, pero tambe kontra e aparato finansiero di e nashon suramerikano.
Ademas di e fris e vienes di Merka i suspendé visa na desena di funshonarionan, e gobièrnu di presidente Donald Trump a prohibí kompanianan merikano pa hasi fiansanan nobo na Venezuela pa konsiderá ku e gobièrnu di Caracas a violá derechinan humano durante protestanan antigubernamental di 2017 ku a laga mas di 120 morto.
Canada i Union Europeo tambe a uni ku e sanshonnan aki.
Almagro a bisa ku e meta final ta selebrashon di un sistema elektoral nobo ku ta permití votamentu di asta venezolanonan ku a ser ekspulsá di nan pais.
