NEW YORK, MERKA, AFP.- E empresa elektróniko Amazon a anunsiá djaweps ku a lansa Luna, un plataforma di streaming di videogame, retando su rivalnan Microsoft i Google den e sektor ku ta ekspandiendo.
“Nos ta entusiasmá pa pa traha ku hungadónan, streamers i editornan manera Ubisoft i Remedy Entertainment pa konstruí un eksperensia úniko pa tur usuario”, asina e visepresidente di entertainment di Amazon, Marc Whitten a bisa.
Ku e servisio nobo aki, Amazon ta kompetí den e merkado multimionario ku Google, kual a lansa su propio plataforma di videogame den novèmber Microsoft, kual a agregá e servisio Cloud Gaming pa suskriptornan ku ta hunga online.
E suskripshon di Stadia Pro di Google ta kosta 9,99 dòler pa luna i Xbox Game Pass Ultimate, kual ta inkluí e plataforma di wega di Microsoft ta kosta 14,99 dòler pa luna.
