LONDON, REINO UNI, AFP.- Dilanti di e kontròl di paisnan riku pa ku vakunanan kontra COVID-19 kontra di esnan mas pober, Amnistia Internashonal a denunsiá e inkapasidat di mundu pa kooperá kontra e pandemia, un situashon ku nan ta pidi pa koregí inmediatamente.
Den su informe di 2020/2021 nan ta papia di “esun ku por salba su mes” generalisando e pena di esnan mas vulnerabel i e desigualdat grave, na momentu ku e represhon ta oumentá den algun pais.
“E pandemia a tira lus riba e inkapasidat di mundu pa kooperá di forma efikas i igual”, asina Agnes Callamard nombra komo sekretario general nobo di defensa di derechinan humano di Amnesty a bisa.
“E paisnan riku a pone kasi un monopolio riba e kantidat di vakuna den mundu lagando e paisnan ku ménos rekurso enfrentando e konsekuensianan di mas pió pa salú i derechinan humano i por lo tantu den e trastornonan ekonómiko i sosial di mas grandi”, asina el a añadí.
