BEIRUT, AP.- Por lo ménos 23 persona a muri den atakenan aéreo di gobièrnu sirio kontra e tan diskutí siudat di Alepo, asina aktivistanan a bisa. Kansiernan di tantu Fransia komo Gran Bretaña a menshoná e posibilidat di investigá Rusia pa krímennan di guera promé ku e reunion di emergensia di konseho di seguridat di ONU pa analisá e intensifikason di violensia na Siria. Personal médiko i funshonarionan lokal a informá ku e atakenan tabata dirigí kontra distritonan den man di rebeldenan na Alepo.
E opservatorio Sirio di derechinan humano ku sede na Gran Bretaña a informá ku 23 sivil a muri i a manifestá ku por tin un oumento di e kantidat di mortonan.
