BEIRUT, AP.- Forsanan ofisialista a bombardiá Alepo ayera impaktando un sentro di distribushon di pan i dos hospital, asina dòkternan i aktivistanan a bisa. Shete persona a muri i un di e instalashonnan médiko a keda for di servisio. E opservatorio Sirio pa derechinan humano ku sede na Gran Bretaña i e sentro di dòkter Alepo a bisa ku seis persona a muri pafó di e sentro di distribushon di pan. Aref alAref enfermero di M2 un di e hospitalnan a bisa ku bombardeo a impaktá e tienda di distribushon di pan serka di e sentro di siudat poko promé di bira mainta. Miéntras e heridonan tabata keda hiba hospital, un di e bòmnan a kai na entrada di emergensia, kousando morto di un persona ku a yega kompaña ku un otro hende herida, alAref a bisa.
Mas aleu al a bisa ku e artieria a daña e hospital i a laga for di servisio parti di e instalashon médiko. El a agregá ku tres empleado di e hospital a resultá heridá. Despues, un atake aéreo a dal serka di e hospital M2. Niun hende a resultá heridá. Den otro atake, bòm a kai serka di un hospital den e zona nort di e área kontrolá pa rebeldenan kòrtando e awa i suministro di koriente. Mohammed Abu Rajab hefe di hospital M10, esun mas grandidie8nandene área di Alepo, a bisa ku e unidat di kuido intensivo tabata esun mas afektá pa e atakenan aéreo.
