QUETTA, PAKISTAN, AP.- Sinku sòldat a muri djadumingu den dos diferente atake atribuí na milisianonan segun informashon di funshonarionan pakistani.
Dos agente di inteligensia a bisa ku un bòm poné riba un kaminda pafó di Quetta a eksplotá segun e vehíkulo paramilitar tabata pasando, matando tres sòldat i provokando morto di kuater mas. Dos funshonario mas a bisa ku un granada a mata dos sòldat i heridá dos mas den un vehíkulo di forsanan di seguridat na Nort Waziristan.
Tur fuente a papia ku kondishon pa keda anónimo debí ku nan no ta outorisá pa informá prensa tokante esaki.
Ningun hende a atribuí responsabilidat di e atakenan. Quetta ta e kapital di Baluchistan. Ekstremistanan islámiko ta realisá atakenan den e dos regionnan normalmente.
