WASHINGTON, MERKA, AFP.- Banko Mundial a anunsiá ku nan ta prepará un yudansa di emergensia di 3 mil mion dòler pa Ukrania, di kual por lo ménos 350 mion por los e siman aki mes.
“Nos ta preparando un pakete di medida di apoyo di 3 mil mion dòler den próksimo lunanan kuminsando pa los rápidamente 350 mion dòler despues ku e keda aprobá pa konseho di atministrashon e siman aki”, asina e institushon a bisa den un komunikado huntu ku Fondo Monetario Internashonal.
Di e suma aki 200 mion dòler ta pa salú i edukashon. Den último dianan tantu IMF komo Banko Mundial a primintí di suministrá yudansa na Ukrania i nan a mobilisá rápidamente pa kumpli e promesa aki.
IMF ku ta mantené e programa di finansiamentu di 2200 mion di dòler ku e pais aki te ku yüni, lo konsiderá e petishon di Ukrania di finansiamentu di emergensia e siman aki mes, asina e komunikado a sigui bisa.
