SAN JUAN, AP.- Gran parti di e isla karibense Barbados, a kanselá aktividatnan djaluna miéntras ku tormenta tropikal Dorian tabata aserkando e region i bira mas fuerte. Dorian por kombertí den un orkan chikitu segun meteorólogonan, e por afektá Puerto Rico i paisnan den serkania durante e próksimo dianan.
E promé minister di Barbados, Mia Mottley a duna òrdu pa suspendé tur lès i sera ofisinanan gubernamental riba e isla. Aparte di esaki el a pidi tur hende pa keda paden.
E sentro Nashonal di Orkan di Merka a emití un alerta di tormento tropikal a Barbados, Santa Lucia i Saint Vincent and the Grenadines. E sentro a emití un aviso pa Dominica, Martinique, Granada, Saba i Saint Eustatius.
Segun pronóstiko e tormenta lo laga entre 5 i 10 centimeter di áwaseru na Barbados i islanan serka di esaki.
E di kuater tormenta tropikal di e temporada aki den Oséano Atlántiko ta 330 kilometer na ost-sùit ost di Barbados djaluna mainta. E ta move ku un velosidat di 23 kilometer pa ora i tin bientu fuerte di mas o ménos 85 kilometer pa ora.
