MEXICO, AP.- Un barku di petroli tabata na flam ayera den Golfo di México dilanti di haf di México di Veracruz, un dia despues ku el a rementá den kandela. Barku di bomberonan tabata kombatí e kandela na bordo di Burgos, propiedat di Pemex.
Outoridatnan di haf a bisa ku bomberonan tabata usa kímikonan pa paga e kandela i nan a nenga na bisa ki dia lo por a paga esaki. Burgos tabata transportá 168 mil bari di gasolin i disel.
E barku tabata na 10 kilometer di e kosta ora el a pidi yudansa djasabra anochi kasi 12′ or. E tripulantenan a keda reskatá sano i salvo.
