CIUDAD DE GUATEMALA (AFP).- Un bayena dje espesie rorcual tropikal di 13 meter largu i un peso kalkulá di entre 25 i 30 tòn, a keda hañá morto na un playa di pasífiko di Guatemala.
E kadaver a keda hañá pa hendenan dje pueblo di e aldea Hawaii den munisipio di Chiquimulilla, na 88 km zùit di e kapital guatemalteko.
Potrètnan a mustra e kadaver di e bayena rorcual tropical ((Baleanoptera edeni/brydei) kantu di un laman. Na e momento ei no tabata konosí e motibu di morto dje animal, ounke ta kalkulá ku por ta trata di un kaso kaminda piskánan grandi ta keda alkansá pa chapaleta di barkunan.
E institushon marítimo dje pais a rekomendá e poblashon pa evitá di aserká e kadaver pa motibu ku “durante e proseso di deskomposishon ta generá gasnan ku por produsí un eksploshon i provoká un aksidente”.
E temporada durante kua por yag riba bayena den laman di Osean Pasífiko di Guatemala ta start den novèmber i finalisá den aprel. For di 2015, gobièrnu ta regulá e turismo pa evitá daño na e espesienan.
