COPENHAGUE, DINAMARKA, AP.- Zoólogonan na Noruega a haña 30 saku i otro desperdisio di plèstik den stoma di un bayena ku nanishi di spada ku a resultá na kosta sùitwèst di e pais. Asina a wòrdu informá djabièrnè.
Terje Lislevand, di Universidat Bergen, a bisa ku e animal di dos tòn tabata visiblemente malu i mester a wòrdu sakrifiká. Den su intestino “no tabatin kuminda, solamente restu di kabes di un sekat i un kapa di vèt fini”.
E spesialista a bisa ku e shushi tabata “e motibu” dikon e bayena a resultá riba isla oksidental di Bergen.
Debí na su tamaño, tabata trata di un adulto. E tabata 6 meter largu.
Nashon Uní ta kalkulá ku kada aña tin 8 tonelada di shushi plèstik ku ta wòrdu deshasí den awa.
