BRUSELAS, AP.- Outoridat belga a oumentá e nivel di alerta den haf di Amberes, despues ku un franses a manehá su outo ku velosidat haltu dor di un área komersial. Esaki a pone ku peatonnan mester a bula for di riba kaminda pa evitá di wòrdu alkansá pa e outo.
Presidente Francois Hollande di Fransia a kompará e insidente ku e atake di London, kual a laga kuater morto, indikando ku e sospechoso franses “kier a mata hende òf krea un evento dramátiko”.
E outo a wòrdu konfiská djaweps mainta riba e brùg di e haf i polis a detené un hòmber, identifiká komo Mohammed R., di 39 aña, ku tabata bibando na Fransia, segun prokurador federal.
Outoridat a haña kuchú, skopèt i un bleki di gas ku líkido deskonosí den e outo. No tabatin indikashon inmediato di personanan heridá.
Outoridat a oumentá e nivel di seguridat den sentro di Amberes.
