SAN LUIS, ARGENTINA, AP.- Na momentu ku paisnan manera Merka kier limitá entrada di sirionan ku ta hui di violensia den nan pais, e gobièrnu di provinsia argentino di San Luis a habri su portanan komo parti di e programa konsiderá komo esun mas generoso den e region.
San Luis, a disidí pa kubri e gastunan di e traslado i avion desde Siria, manera kas, salú, edukashon i asta yuda nan buska trabou den e provinsia pa rekonstruí su bida.
E integrantenan di tres famia sirio a yega 13 di mart mardugá, despues di un biahe largu desde Alepo, un di e sòldatnan sirio mas gòlpia pa un guera ku ekstendé durante seis aña i laga mas di 400.000 morto i miónes di persona desplasá.
E agensia di Nashon Uní pa refugiado (ACNUR) i outoridat di San Luis a pidi AP pa identifiká e sirionan solamente ku promé nòmber i lèter di su fam debí na preokupashon di seguridat di e famianan ku a keda den Siria.
E famianan sirio lo biba den apartamentunan mueblá di dormitorio ku studiantenan di Universidat di La Punta ta usa. Esnan resien yegá lo keda akinan durante tres luna miéntras nan ta aklimatisá i risibí lès intensivo di spañó, te na momentu di traslado pa un otro lugá.
