WASHINGTON, MERKA, AFP.- Presidente merikano Joe Biden a bisa djaweps ku e ta dispuesto na papia ku Vladimir Putin pa promé biaha desde e invashon di Ukrania, si di bèrdat e lider ruso ku kaba ku e guera.
Biden tabata papiando durante un bishita di estado di presidente franses Emmanuel Macron, kende a bisa ku e lo bolbe papia ku Putin despues di su biahe pa Washington i a atvertí ku no mester aislá e presidente.
Den un konferensia di prensa konhunto ku Macron, Biden a bisa ku e no tin intenshon di tuma kontakto ku Putin inmediatamente, pero e ta dispuesto na hasi esaki.
Ambos Biden i Macron ta keda sostené Ukrania segun e pais ta kombatí invasornan ruso.
Macron a bisa ku e tin intenshon di papia ku Macron tokante seguridat di e planta nuklear okupá, Zaporizhzhia.
“Mi lo sigui papia ku Presidente Putin”, asina Macron a bisa, pero meskos ku Biden, Macron a añadí ku e lo no pusha e presidente ukraniano Volodymyr Zelenskyy riba un plan di pas ku e no ta aseptá.
