SPRINGFIELD, MERKA, AFP.- Presidente merikano, Joe Biden, a señalá ku e lo oponé tur norma ku e republikanonan proponé si nan intenshon ta pa sembra káos ekonómiko i finansiero kual ta un riesgo pa hinka e pais den un ‘default’.
Den un diskurso dilanti di trahadónan di Springfield, Virginia, serka di Washington DC, Biden a sostené ku e lo blòkia tur proyekto finansiero di oposishon ku.
Biden a afirmá ku e republikanonan den Kongreso ta purbando di oumentá e máksimo di debe di e pais, kual ta un menasa pa e ekonomia mundial ku un ‘default’, òf falta di kumpli ku pagonan.
Esaki lo krea “káos” i e lo ta “doloroso” pa Merka, segun indikashon di e mandatario.
E mandatario ku tin 80 aña i kende ta e presidente di mas edat di Kas Blanku ainda no a anunsiá si e lo buska un segundo mandato.
Enkuestanan ta mustra ku Biden tin un aprobashon di 42% entre votadónan.
