KIEV, UKRANIA, AFP.- E Komisario di Refugiadonan di Nashonnan Uní a konsehá tur pais europeo djaweps pa nan prepará pa risibí un ola nobo di ukranianonan desplasá.
Outoridatnan ukraniano a señalá e siman aki ku forsanan ruso ta intensifikando nan atake pa poderá di siudat di Bajmut, den region industrial di Donetsk.
“Tur empeoramentu den e guera lo kousa desplasamentunan nobo, di un forma òf otro, i nos mester prepará pa esaki”, asina Filippo Grandi a bisa den un entrevista ku AFP na Kiev.
“Manera nos a mira den tur parti, na Maripol, na Kherson, kada bes ku e kombatenan intensifiká, e pueblo naturalmente ta purba buska un kaminda safe pa bai”, asina e hefe di ACNUR añadí, refiriendo na e dos batayanan di mas sangriento dede komienso di e invashon di Rusia na Ukrania den febrüari 2022.
Reporteronan di AFP en e region di Donetsk, afektá gravemente pa e kombatenan a komprobá ku mayoria habitante te ainda ta ninga di bandoná nan kas.
