WASHINGTON, MERKA, AFP.- Sinku polis a keda akusá i enkarselá djaweps na Merka pa morto di u afroamerikano despues di un aresto ku e famia a deskribí komo brutal, segun dokumentonan hudisial.
E agentenan di polis di Memphis, di kual tur ta afroamerikano a wòrdu akusá pa asesinato, gòlpi, leshonnan i tambe sekuestro segun e registro di prizòn di kondado Shelby.
Riba 7 di yanüari, e polisnan kier a arestá Tyre Nichols, afroamerikano di 29 aña, pa un infrakshon di tráfiko.
Despues di su aresto, Nichols a indiká ku e tin problema pa hala rosea i a keda hospitalisá. El a muri tres dia despues. Tin vários video di e suseso, kual ainda no a keda publiká.
Segun abogadonan di e famia di Nichols, “polis a bati e hòmber te ku e no tabata rekonosibel mas”.
E sinku agentenan akusá a haña retiro siman pasá. E investigashon interno di polis a determiná ku nan a usa forsa eksesivo.
Tin mas polis ku ta bou di investigashon.
E famia di Nichols a mustra e video, kual lo keda publiká den e próksimo dianan.