WASHINGTON, USA (AFP).- “Tin solamente un opshon i bo voto ta hasi e diferensia”, esei segun un propaganda di parti dje ekipo di kampaña di presidente Joe Biden pa sedusí e miónes di hispanonan ku por vota den elekshon presidensial di novèmber na Merka.
E anunsio “Un Opshon” (saká na spañó, spanglish òf ingles) ta konsentrá riba e elektorado di tersera edat i hende muhé.
“Pa nos abuelonan insulina na 35 dòler), segun por skucha dos bos bisa. Ku esei nan ta referí na un dje logronan di Biden: baha preis di insulina pa esnan ku ta den un programa federal di seguro médiko.
E demokrat a preshoná botikanan pa baha preisnan, algu hopi importante den un pais kaminda kasi 26 mion hende no tabatin un seguro médiko den 2022, segun ofisina di senso, i mas di 37 mion hende diabétiko, di akuerdo ku Sentronan pa Kontrol i Prevenshon di Enfermedat.
E derechi di aborto ta otro tema dje anunsio i un dje puntonan fuerte dje presidente pa sedusí e elektorado femenino.
“Pa hende muhé e libertat pa disidí riba nos kurpa” òf “prizòn pa dòkternan ku ta praktiká aborto, esei ta e diferensia entre Joe Biden i Donald Trump”, segun ta keda bisá.
Mas aleu ta primintí pa restourá rònt e pais e protekshon dje derechi di aborto, bombardiá pa Korte Supremo, di tendensia konservador despues di a keda reformá durante e presidensia di Trump.
Pero ni un palabra den e kambio riba migrashon, otro dje temanan krusial di kampaña i ku ta obligá e demokrat pa buska un balanse entre redusí yegada di migrantenan for di e frontera ku Mexico i e polítika migratorio “humano” manera el a primintí.
E anunsio di e demokratnan a kuida kada detaye: e imágennan ta na koló ora ku ta papia di Biden, ku ta aparesé sonriente i hopi serka, i na blanku ku pretu ora ta menshoná Trump, ku nan ta mustra serio i na distansia
E mensahe den ‘spanglish’ ta bai dirigí na e miónes di latino bilingual di estadonan manera Arizona i Nevada, kaminda ku Biden tabata ayera i ta forma parti di un invershon mionario den medionan tradishonal i digitalnan hispano.
Mas di 30 mion latino por vota den e elekshon presidensial, un sifra superior na esun di afroamerikanonan, segun Pew Research center
