LONDON, AP.- E Big Ben emblemátiko, e oloshi enorme ku ta dòrna un toren den Parlamento Ingles, lo stòp di zona durante kuater aña miéntras trabounan di remodelashon ta wòrdu realisá.
Dia 21 di ougùstùs labornan den Toren Reina Elizabeth lo kuminsá i esaki lo tin un kosto di 38 mion dòler. E servisio di e oloshi lo wòrdu reanudá pa aña 2021.
E kuidadó di e oloshi, Steve Jaggs, a presisá djaluna ku e mekanismo lo wòrdu desmantelá piesa pa piesa i su kuater diskonan lo wòrdu limpiá i drechá. E kampaña di 13,7 tòn métriko lo wòrdu limpiá i revisá.
Big Ben a stòp d zona vários biaha desde ku el a zona pa promé biaha na aña 1859, pero e proyekto aktual di restrukturashon ta nifiká ku e lo ta den silensio pa un periodo mas prolongá den su historia.
Outoridat parlamentario a bisa ku nan ta sigurá ku e kampana ta sigui zona na okashonnan importante manera Aña Nobo i Dia di Rekuerdo. E dia aki ta un konmemorashon anual yamá “Remembrance Sunday” i “Remembrance Day” na honor di e militar i sivilnan ku a sirbi e pais.
