CARACAS, AP.- Presidente Nicolás Maduro a pidi Asamblea Konstituyente pa investigá oposishon pa respaldá e menasa di presidente Donald Trump kontra Venezuela siman pasá.
E aliansa opositor “a saka un komunikado miserabel hustifikando e menasa di Donald Trump kontra Venezuela, i esaki no ta bisa ni un solo palabra pa defendé derechi di pas riba e tera sagrado aki”, asina Maduro a bisa dilanti míles di su siguidónan, ku a marcha den Caracas rechasando e atvertensianan di e mandatario merikano riba un “opshon militar” den Venezuela.
Mesa di unidat demokrátiko, un koalishon di kasi tres desena di partido opositor, a rechasá e “uso di forsa, òf menasa di apliká esaki, di parti di kualkier pais” sin menshoná Merka direktamente.
