BENI, RD CONGO, AFP.- Un bòm a eksplotá den un misa katóliko den siudat di Beni na Repúblika Demokrátiko di Congo djadumingu, heridando dos muhé nèt promé ku un seremonia di konfirmashon di algun mucha.
Ta promé biaha ku ta ataka un edifisio katóliko den e region, kaminda e milisia di Aliadonan di Forsa Demokrátiko (ADF) ta akusá di mata míles di persona.
E hefe di polis di Beni, Narcisse Muteb a bisa ku e eksploshon a sosodé 6or di mainta.
E eksploshon aki a sosodé un dia despues di un oro eksploshon serka di un pòmp di gasolin den region di Beni. Pero esaki no a kousa ningun daño.
ADF ta akusá di mata sentenáres di sivil desde ku nan a kuminsá operá for di un base den mondi alrededor di Beni den novèmber 2019.
Merka a bisa den mart ku ADF ta liga na e grupo Estado Islámiko (EI). Sinembargo, no tin evidente kon embolbí ADF ta ku EI.
