SIUDAT DI GAZA, TERITORIO PALESTINO, AFP.- Kayanan di Gaza tabata kompletamente desertá djaluna despues di un serie nobo di bombardeo anochi di ehérsito israelí, despues di un siman ku a laga mas di 200 morto, di kual gran mayoria ta palestino.
Israel a hasi desénas di bombardeo entre djadumingu anochi i djaluna den Gaza Strip, kaminda vários grupo armá a tira kohete kontra Israel.
Sentenáres di edifisio a wòrdu afektá segun outoridat lokal, kual no a informá tokante víktimanan.
Ehérsito israelí a indiká djaluna den un komunikado ku a ataká nuebe kas propiedat di mandonan haltu di Hamas. Tabata usa algun di e kasnan aki pa “warda arma” i un supmarino “ku posiblemente ta un arma sumergibel”.
Ehérsito israelí ta sigurá ku e ophetivo di su bombardeonan ta lokalnan i ekiponan di Hamas, inkluyendo algun komandante i tùnelnan bou di tera, i ta akusá e movementu islamita di usa sivilnan komo “eskudo”
Segun Ofisina di Koordinashon di Asuntunan Humanitario di Nashon Uní mas o ménos 40.000 palestino a bandoná nan kas.
