OTTAWA, CANADA, AFP.- Canada a anunsiá ayera ku e ta realisando un mishon di evaluashon na Haiti, miéntras sekretario di estado merikano Antony Blinken a yega Ottawa pa diskutí e establesimentu di un forsa di intervenshon den e pais karibense Haiti.
E delegashon karibense mester evaluá opshonnan pa apoyá e pais haitiano den e resolushon di e krísis humanitario i seguridat ku e ta konfrontando i ku ta hasiendo e pais mas pober i restorá e akseso na vienes i servisionan esensial, den konsulta ku e sosionan regional di Nashonnan Uní, e komunidat di Caribe Caricom i otronan, segun un komunikado di gobièrnu karibense.
E mishon a bin despues di e yamada di gobièrnu di Haiti i e sekretario general di ONU Antonio Guteres pa un intervenshon internashonal miéntras gèngnan armá ta apoderando di ekstenshonnan grandi den e pais i e brote di kólera tambe ta birando pió.
Pero e idea di un forsa di intervenshon ta generá reserva serka parti di e poblashon haitiano i e konseho di seguridat di ONU ku siman pasá a proba di forma unánime un resolushon kontra e lidernan di e gèngnan pero sin menshoná forsa multinashonal.
