BOGOTA, COLOMBIA, AFP.- Chile ta para garante den e proseso di pas ku gobièrnu di Gustavo Petro ku ELN, e último gueria rekonosé na Colombia, segun indikashon di presidente Gabriel Boric despues di un enkuentro ku dos mandatario na Bogotá djaluna.
E mandatarionan a papia tokante un diálogo ku e rebeldenan un dia despues ku Petro a okupá e puesto di presidente na Colombia, kende a komprometé durante su diskurso di huramentashon ku e lo traha pa un “pas berdadero i definitivo”.
Ehérsito Liberashon Nashonal a aseptá pa negoshá ku e gobièrnu di pas di Juan Manuel Santos, na Quito promé i despues Cuba, sede di e akuerdo ku a kondusí na pas permanente ku e èks gueria FARC na aña 2017.
Sinembargo, e gobièrnu di Ivan Duque a bandoná e kombersashonnan na aña 2019 despues di e atake ku bòm kontra un skol di kadèt di polis na Bogotá, ku a laga 22 morto inkluyendo e agresor.
