BEIJING, CHINA, AFP.- China a anunsiá djaluna ku lo adoptá medidanan di kontrol kontra seis medio merikano den China. E anunsio ta similar na esnan ku Merka a imponé kontra organismonan di prensa di China.
E kadena di televishon ABC, Los Angeles Times i e emisora Minnesota Public Radio mester aportá un lista ku nòmber di tur empleado i operashonnan finansiero na China, segun indikashon di e bosero di diplomasia di China, Zhao Lijian den un komunikado.
E medida aki ta afektá e wèpsait di Bureau òf National Affairs (BNA), e revista Newsweek i tambe e agensia Feature Story News.
Washington ta eksihí pa e Departamento di Estado di China duna detaye tokante tur trahadó i posishonnan di China den Merka. E sekretario di Estado Mike Pompeo a bisa ku e medidanan aki no ta stroba niun periodista di China di hasi nan trabou.
