HANGZHOU, CHINA, AP.- Presidente Xi Jinping di China, a pidi sobrá gobernantenan di Merka i Alemania pa resistí e preshon pa subi bareranan komersial, den komienso di kumbre di G20 ku ta wòrdu realisá meimei di un kresementu global slou, inkluyendo disputa rondó di eksportashon di heru chines i impuesto di Apple na Irlanda.
Beijing ta enfrentando kehonan ku esaki ta inundando merkadonan mundial ku heru barata, loke ta provoká reklamo di restrikshon di komersio. Presidente di Komishon Europeo a pidi Kumbre pa tuma medidanan.
Na komienso di e reunion di dos dia den e siudat na sùitwèst di Shanghai, Xi a pidi mas inovashon pa stimulá kresementu ekonómiko i reformanan pa empuhá fiansanan global. El a pidi mas koperashon relashoná ku impuesto, antikorupshon i medidanan pa “mehorá kapasidat di ekonomia mundial di resistí e riesgonan”.
Anteriormente, outoridat chines a anunsiá ku lo proponé un plan pa impulsá komersio atraves di un koperashon mas estrecho riba regulashon, finansa, impuesto i otro asuntunan.
“Nos mester konstruí un ekonomia mundial habrí”, segun Xi a bisa dilanti un ouditorio kaminda presidente merikano Barack Obama, kansier aleman Angela Merkel i promé minister britániko Theresa May tabata presente.
Presidente mehikano Enrique Peña Nieto i sargento Maurico Macri tabata presente.
E paisnan di Grupo 20 mester respetá su kompromiso di evitá medidanan nobo di protekshon, fortalesé kooperashon den polítika di invershon i tuma medidanan efikas pa promové kresementu, segun Xi a bisa.
