NEW YORK, AP.- Hillary Clinton tin plania di bishitá e sitio di atakenan di 11 di sèptèmber na New York, despues di 15 aña di e atentadonan aki. Asina su kampaña a informá djabièrnè.
E kandidato demókrata lo yega e memorial djadumingu mainta promé ku e minüt di silensio di 8:46 di mainta. Esaki ta marka e momentu ku e promé avion a dal kontra e toren di World Trade Center, segun su bosero Julie Wood a indiká na The Associated Press.Clinton, ku ta senador di New York, na momentu ku e atake di 2011 a tuma lugá, no tabatin planiá di bishitá e memorial pa e konmemorashon. Pero su kampaña a notifiká funshonarionan di “National September 11 Memorial & Museum” djaweps anochi ku e kandidato kier asistí e akto matutino, segun un persona ku no tabata outorisá pa papia públikamente pasó e bishita no a wòrdu anunsiá ainda.
No ta spe r ando deklarashonnan públiko di Clinton na e konmemorashon.
Su rival republikano, Donald Trump, no tin planiá pa asistí. Un bosero di e kampaña di Trump a ninga na papia di e programá di e kandidato pa e dia aki.
Ambos kampaña a bisa ku ta bai suspendé anunsionan di televishon riba e aniversario, respetando un tradishon di evitá partidismo riba e fecha.
