BOGOTA, AP.- Ocho supuesto gueriero di Ehérsito Liberashon Nashonal a wòrdu kapturá ku kokaina na nortost di Colombia.
Fiskal General di Nashon a señalá ku esnan detené ta pertenesé na ELN kual ta dediká na “kultivo, proseso, fabrikashon i komersialisashon di sustansianan ilegal”.
E operashon a dura vários dia i a konta ku sosten di ehérsito i polis hudisial.
Entre esnan kapturá tin alias “El Borracho”, supuestamente enkargá di inteligensia na polis i ehérsito, transportá material i trafiká kokaina.
Den otro operashonnan den diferente region na nortost kolombiano a haña 23 kilo di kokaina, sinku selular i pistol di 9 milimeter. Fiskal no a duna identidat di esnan detené
Esnan kapturá ta wòrdu akusá pa delitonan di rebelion, tráfiko, fabrikashon di sustansianan ilegal i di karga arma di kandela.
Delegadonan di gobièrnu di presidente Juan Manuel Santos i ELN ta negoshando un akuerdo di pas desde di febrüari na Quito, Ecuador.
Segun sifranan ofisial di ELN, esaki tin 1.500 kombatiente i a wòrdu fundá na aña 1965 den departamento di Santander na nort di e pais.